السلام عليكم و رحمة الله أنا جديدة في موقع ستارتيمز مع أني أقرا دائما وصفاتكم الجميلة 
و عندي مرق مغربي ب لاداند كانتمنا يعجبكم و هي كالتالي :
المقادير :
لاداند
شويا ديال زعفران
شوية الملح و الابزار و الخرقوم و التحميرة و سكينجبير
شويا ديال القزبر
التومة
الحامض
الزيتون بدون عضم
البصل على شكل دوائر
ملعقة صغيره ديال الدقيق
الطريقة:
كناخدو طنجرة كنديرو فيها لاداند وشوية زيت عادية و البصل على شكل دوائر و العطرية والقزبر و الزعفران و التومة او كانخليو البصل تشحر من بعد كانزيدو شويه زيت الزيتون و كنغطيوه ب الماء و كنخليوه اطيب او شي شويه كنزيدو الزيتون و طريف ديال الحامض او ملي كايطيب لاداند كاندردرو عليه شويه ديال الدقيق باش المرق ايولي عاقد شويا او كنقدموه بالصحه و العافيه
و كنقدو نزينوه ببطاطس مقلية مقطعه مربعات صغيرة
راها ساهله ماهله جربوها غادي تعجبكم بزاف تحياتي
مهدي حلوة : مدونة لعيالات
مدون مغربي من مدينة أكادير وهذه مدونتي الخاصة أرجو أن تنال إعجابكم مدونة لعيالات
0 commentaires:
إرسال تعليق